ІЗГІЛІК ЖОЛЫНДАҒЫ ИГІ ІСТЕР
Осыдан 1 жыл бұрын, яғни 2019 жылдың 29 қазаны күні Қызылсай ауылының Жаңақұрылыс көшесінің №120 үйінде өрт шыққан еді. Тұрғын үй жайдағы алты пәтердің барлығы толық отқа оранып, жалыны бір-бірін шарпыған болатын.
Демеушілердің қолдауымен №120/1 пәтер тұрғыны С.Араповаға Жаңаөзен қаласы «Шұғыла» шағынауданынан 3 бөлмелі пәтер, №120/2 пәтер тұрғыны Б.Нұрбосиноваға Жаңаөзен қаласы «Жалын» шағынауданынан 2 бөлмелі пәтер, №120/3 пәтер тұрғыны М.Ергазевке «Жалын» шағынауданынан 2 бөлмелі пәтер, №120/4 пәтер тұрғыны А.Бисенбаевқа «Шұғыла» шағынауданынан 2 бөлмелі пәтер, №120/5 пәтер тұрғыны А.Батырға Жаңаөзен қаласы «Шұғыла» шағынауданынан 2 бөлмелі пәтер сатып алып берілді.
Сондай-ақ, №120 «В» пәтер тұрғыны Қ.Алибаевқа 5 000 000 теңге көлемінде ақшалай көмек берілді. Ал, жеке тұрғын үй алып берілгенге дейінгі аралықта жоғарыда аталған азаматтарға Қызылсай ауылы әкімдігі тарапынан уақытша үй жайлар жалдап берілді.
«Жұмыла көтерген жүк жеңіл» демекші, сол қиын кезде халықтың қамын ойлағандар қол қусырып отырмай, өрттен зардап шеккен отбасыларға барынша көмек көрсетті. Атап айтқанда, келесі мекемелер мен азаматтарға ерекше алғыс білдіреміз:
1) «Өзенинвест» МКК,
2) «Өзенмұнайгаз» АҚ,
3) «Өзенмұнайсервис» ЖШС,
4) «Бұрғылау» ЖШС,
5) «Мұнайспецснабкомпани» ЖШС,
6) «Альянс ойл сервис» ЖШС,
7) «Бейбарыс» ЖШС,
8) «Қызылсай LTD» ЖШС,
9) «СК УзеньСтройСервис» ЖШС,
10) «Спецмаш LTD» ЖШС,
11) «ҚазГӨЗ» ЖШС,
12) Әбіш Қожа мешітінің жамағаты,
13) Рахат ауылдық мешітінің жамағаты,
14) «Мұнайспецснабкомпани» ЖШС,
15) Жаңаөзен қалалық көпбейінді аурухана,
16) Жаңаөзен қаласының білім беру ұйымдары,
17) Бекет ата қайырымдылық қоры (шырақшысы),
18) Шопан ата қайырымдылық қоры (шырақшысы).
«Апат айтып келмейді» десек те, төтеннен келетін жағдайлардың алдын алу, дер кезінде іс-әрекет жасап, бір кісідей жұмыла кірісу қауіпті еңсереді.