Х.ҚОЖАБАЕВ ЭКСПРОМТ-КЕЗДЕСУ ӨТКІЗДІ

Сейсенбі күні "Nur Otan" партиясынан Қазақстан Республикасы Парламенті Мәжілісі депутаттығына кандидат Хайрулла Қожабаев Шолаққорған ауылында орналасқан "QAISAR" сауда орталығында азаматтармен экспромт-кездесу өткізді. Үміткер сауда орталығына келуші сайлаушыларды 2021 жылғы 10 қаңтарда өтетін сайлауға бір кісідей қатысуға үндеп, онда еліміздегі жетекші саяси күш - "Nur Otan" партиясына дауыс беруге шақырды, үгіт-насихат материалдарын табыстады. Партиямыздың алдағы сайлау кезеңінде межелеп отырған жоспарларымен таныстырып, сайлауалды бағдарламаның басымдықтарына тоқталды. Сайлаушылар тарапынан қойылған сұрақтарға жауаптар берді.