Х А Б А Р Л А Н Д Ы Р У

Қызылорда  ОІІД  Есірткі  бизнесіне  қарсы  күрес  басқармасы  тарапынан  ағымдағы  жылдың  27 ақпан – 25 мамыр аралығында  «Есірткісіз  болашақ» тақырыбында «Қызылорда облысы Ішкі істер департаменті бастығының  сыйлығына» Қызылорда облысы көлемінде  теледидар, радио және баспасөз тілшілері  арасында жыл сайын өткізілетін есірткіге қарсы  үздік репортаж және мақала сайысы  жарияланды.

Сайыс  мақсаты – Есірткіден азат қоғамды қалыптастыру, бұқара қауым арасында есірткіге қарсы иммунитет қалыптастыру және полиция қызметкерлерінің имиджін көтеру.

Қойылатын  талаптар:

Тележурналистер:

1) 2017 жылғы 27 ақпан – 25 мамыр аралығында есірткіге қарсы иммунитет қалыптастыратын 5 (кем емес) бейнематериал (репортаж,  бағдарлама,  кездесу,  т.б.)  дайындап,  телеарна арқылы көрсету;

2)  2017 жылғы 25 мамыр – 26 мамыр  аралығында:

-  телеарнада  көрсетілген 5  материалдың  (репортаж, бағдарлама,  кездесу, т.б.) DVD-RW/R  дискісіндегі  көшірмесін;

-  жазбаша  түрде  дайындалған  мәліметтерді;

-  көрсеткен  телеарна,  жариялаған  радиоарна  атауы,  күні,  уақыты  көрсетілгендігі  немесе  жарияланғандығы  жайлы  5  (бес) анықтама;

- дайындаған  журналист  жайлы  мәліметтер  (тегі,  аты,  әкесінің  аты,  жұмыс  орны,  лауазымы,  мекен-жайы,  телефон  (үй,  жұмыс,  ұялы)  бойынша  құжаттарды  сайыс  комиссиясына  тапсыру  керек;

Баспасөз  журналистері:

1) 2017 жылғы 27 ақпан – 25 мамыр аралығында есірткіге қарсы  иммунитет қалыптастыратын 5  (кем емес)  мақала  дайындап,   басылымда (газет,  журнал)  жариялау;

2)  2017 жылғы 25 мамыр – 26 мамыр  аралығында:

-  мақала  жарияланған 5 (бес) басылымды;

-  дайындаған  журналист  жайлы  мәліметтер  (тегі,  аты,  әкесінің  аты,  жұмыс  орны,  лауазымы,  мекен-жайы,  телефон  (үй,  жұмыс,  ұялы)  бойынша  құжаттарды  сайыс  комиссиясына  тапсыру  керек;

Сайысқа  тапсырылатын  құжаттар  ағымдағы  жылдың  25 – 26 мамыр аралығында Қызылорда  облысы Ішкі істер департаментінің Есірткі бизнесіне қарсы күрес басқармасына қолма – қол негізде Қызылорда  қаласы,  Қорқыт ата көшесі 18-ғимарат мекенжайы бойынша (415-қызметтік  бөлмесі, телефон: 29-56-20) қабылданады. Құжаттар электронды түрде  қабылданбайды.

Сайыс жеңімпаздары анықталғаннан кейін департамент басшылығы тарапынан бағалы сыйлықтар ұсынылады.

Ескертпе:

- сайысқа  тапсырылатын  құжаттар  2017 жылғы 26 мамырдан кейін  қабылданбайды;

- сайысқа  қатысушылардың  жасына  шектеу  жоқ;

- сайыскермен  тапсырылатын  материалдар  саны  5-тен кем  болмауы  керек;

- бір  ұжымнан  қатысатын  сайыскерлер  санына  қойылатын  шектеулер  жоқ.

- атап  көрсеткен  құжаттар  толығымен  тапсырылмаса және сайыс талаптарына сәйкес келмесе сайыскер  сайысқа  қатыстырылмайды

- АУДАН  ТІЛШІЛЕРІ  ӨЗДЕРІНІҢ  МАТЕРИАЛДАРЫН 26.05.2017 жылға  ДЕЙІН КЕЛІП  ТҮСУІН  ЕСЕПТЕЙ  ОТЫРЫП,  ПОШТА  АРҚЫЛЫ  ЖОЛДАЙ  АЛАДЫ  (Қызылорда  қаласы,  Қорқыт  ата  көшесі  18  ғимарат,  №415  қызмет  бөлмесі,  ОІІД ЕБҚКБ).

Қызылорда  ОІІД   Есірткі  бизнесіне  қарсы  күрес  басқармасы