ЕРЕКШЕ ҚАЖЕТТІЛІГІ БАР АЗАМАТТАРМЕН КЕЗДЕСУ ӨТТІ
Аудандық мәслихат хатшысы Еркін Жиналин мен мүгедектер қоғамы төрағасы Тыныштыбай Шалабаевтың қатысуымен ерекше қажеттілігі бар азаматтармен дөңгелек үстел өтті. Кездесудің басты мақсаты ерекше жандарды назардан тыс қалдырмай қоғаммен етене араластыру болып табылады. Сол себептен кездесуге келген ерекше қажеттілігі бар азаматтар тұрмысындағы түйіткілді мәселелерін ортаға салды. Аталған ұсыныстар мен сұралымдар ескеріліп мәселелердің шешу жолдары қарастырылды. Кедергісіз ортада кедергісіз тұрмыс қалыптастырудың маңызы жоғары екендігі айтылды. Сонымен қатар ерекше жандар арнайы мерекелерде сый-сияпатын аямай, қолдау көрсетіп жатқан азаматтарға алғыстарын жеткізді.