ЕЛБАСЫ ЖОЛЫ

Бүгін аудандық орталық кітапхананың оқу залында 1 желтоқсан - ҚР Тұңғыш Президенті күніне орай "Елін сүйген Елбасы" атты кітап көрмесі ұйымдастырылды.

Көрменің мақсаты –ҚР Тұңғыш Президенті, мемлекетіміздің жетекші саяси партиясы «Nur Otan» партиясының төрағасы Нұрсұлтан Назарбаевтың тәуелсіз еліміздің қалыптасу мен даму кезеңіндегі жүргізген саясатын, іскерлік қабілетін, болашаққа бағыт-бағдар берген Елбасының осы уақытқа дейінгі атқарған еңбектерін оқырмандарға жеткізу, жас ұрпаққа насихаттау болып табылады.

Көрмеге «Сындарлы он жыл», «Қазақстан жолы», «Елмен сырласу», «Ой бөлістім халқыммен», «Тәуелсіздік дәуірі» сынды Елбасының тәуелсіздік жылдарындағы жүріп өткен жолы, жетістіктері жайлы еңбектерімен қатар, Тұңғыш Президент туралы М.Қасымбековтың «Елін сүйген, елі сүйген Елбасы», Б.Сапаралының «Тұңғыш Президенттің балалық шағы», А.Гафоровтың «Еліне елеулі Елбасы: Н.Назарбаев – саясат майданының қайраткері», А.Сәулебектің «Елбасының алтын бесігі» атты кітаптары қойылды. Оқырмандар Елбасының балалық шағынан бастап, бүгінгі ерен еңбектері турасында жан-жақты қамтылған туындылармен танысты.