ЕЛБАСЫ АЛҒЫСЫ ТАБЫСТАЛДЫ
Үстіміздегі жылдың 10-қаңтарында ҚР Парламенті мәжілісі мен мәслихаттар сайлауы өтіп, онда Тұңғыш Президент, Елбасы Нүрсұлтан Әбішұлы Назарбаев төрағалық ететін “Nur Otan” партиясы басым дауысқа ие болғаны бәрімізге мәлім. Тәуелсіздігіміздің 30 жылдығы қарсаңында нұротандықтардың ел азаматтарымен бірлесе қол жеткізген бұл жеңісінің халқымыздың бірлігі мен мемлекетіміздің орнықты дамуы үшін маңызы ерекше.
Саяси науқан кезеңінде партиямыздың алға қойған мақсаттары мен міндеттерін жүзеге асыруға үлес қосқан Созақ ауданы бойынша партиялық кадрлық резервке енген үміткерлер бүгін “Nur Otan” партиясының Төрағасы, Елбасы Н.Ә.Назарбаевтың «Алғыс хатымен» марапатталды.
Марапат иелерін құттықтай отырып, алдағы жұмыстарына сәттілік, отбасыларына бақ-береке тілейміз. Еліміз аман, жұртымыз тыныш болсын!