ӘДЕБИЕТТІ САҚТАУ – ҰЛТТЫ САҚТАУ
Алматыда Қазақтың Абай атындағы мемлекеттік академиялық опера және балет театрында Қазақстан Жазушылар одағының 80 жылдық торқалы тойы болып өтті. Алқалы басқосу салтанатты түрде Әнұранмен ашылды.
Алғашқы сөзді ҚР Президент Әкімшілігі басшысының орынбасары Бағлан Майлыбаев алып, 80 жылдық мерейтойдың ашылуымен құттықтады және Елбасы Н.Назарбаевтың той қонақтарына құттықтау хатын оқып берді. «Жазушылар одағы – еліміздегі ең алғашқы және ең ірі шығармашылық ұйым» деген Елбасы өз құттықтауында тәуелсіздікті түбегейлі етуде қаламгерлерге артылатын талап пен міндеттің зор екенін атап өткен.
Алматы қаласының әкімі Ахметжан Есімов қаламгерлерді мерейлі мерекесімен құттықтап, одақ жұмысына сәт-сапар тілей келе, жазушылардың қара шаңырағы орналасқан ғимаратты күрделі жөндеуден өткізуге қалалық әкімшілік тарапынан биыл 40 миллион теңге бөлінгенін, алда да шығармашылық ұйымға мүмкіндігінше қамқор қолын созатынын жеткізді. (жалғасы мұнда: mtdi.kz)