ДӘРІГЕРГЕ МЫҢ АЛҒЫС!

Дүниежүзін жайлаған қауіпті індетпен күресте ең алдымен, ақ халатты абзал жандарға күш түсіп отырғаны белгілі. Мылтықсыз майданның алдыңғы шебінде жүрген дәрігерлер қауымына деген жауапкершілік жүгі індет жұқтырғандар саны артқан сайын еселеп ауырлап келеді.

Елімізде де медицина мамандары алғашқы науқас анықталған сәттен бастап, бірнеше апта бойы отбасыларынан тысқары жүріп, өз денсаулықтарын қатерге тігіп дертпен күресуде. Өйткені бар үміт – дәрігерлерде.

Осы орайда Жаңаөзен қалалық санитарлық-эпидемиологиялық қызметтің барлық қызметкерлері мен жедел жәрдем дәрігерлеріне ерен еңбегі үшін Алғыс айтамыз.