Базар тынысы

Жаз маусымының тамыз, қыркүйек айлары нағыз жеміс-жидектің пісіп, жетілетін шағы. Көкеністер маусымы басталғанын ескеріп, Астана қаласындағы жеміс-жидектер мен көкеніс сататын «Шарын» базарына таңертең ерте барып, базардың тынысымен таныстық. Жеміс-жидектің маусымында жалпы «базардағы баға қандай», «өнімдер қайдан әкелінуде», «халық тарапынан сұраныс қаншалық», «отандық өнімдерден не өндіреміз», «доллар бағамының өсуі сауда-саттыққа салқынын тигізді ме», «қандай жеміс-жидекті арзан бағаға алуға болады» деген секілді сауалдарға жауап іздеп көрдік.