БАЛАЛАР ҚАУІПСІЗДІГІ БАСТЫ НАЗАРДА

«Бақытты отбасы» партиялық жобасы аясында «Балалар үшін қауіпсіз және жайлы инфрақұрылым» рейд-акциясы жүргізілуде.

Акцияның мақсаты – аудан аумағындағы ашық жатқан люктерге, аулаларды жарықтандыруға, қозғалыс қауіпсіздігі үшін жаяу жүргінші жолына рейд жүргізу.

Рейд жұмыстарына «Nur Otan» партиясы төрағасының бірінші орынбасары Е.Бекмулдин, аудандық тұрғын үй, коммуналдық шаруашылық, жолаушылар көлігі және автомобильдер жолдары бөлімінің басшысы А. Берденов, аудандық төтенше жағдайлар бөлімінің мамандары қатысты.

Рейд жұмыстары аясында анықталған мәселелерді шешу мақсатында ұсыныстар жауапты сала мамандарына жолданып, алдағы уақытта аңықталған кемшіліктердің уақытылы, сапалы түзетілуі партия тарапынан жіті қадағалауда болады.