ҚАСТЕРЛІ МЕРЕКЕ ҚАРСАҢЫНДА
16-желтоқсан – Қазақстан Республикасы Тәуелсіздігі күні мерекесіне орай, “Nur Otan” партиясы Созақ аудандық филиалында салтанатты қабылдау болып өтті. Шарада биылғы жылы өз азаттығының 29 жылдығын атап өтіп отырған мемлекетіміз үшін тәуелсіздік ең қастерлі байлығымыз екендігін атап, құттықтау сөз сөйлеген аудандық партия ұйымы төрағасының бірінші орынбасары Р.Әлжанов партия қатарын толықтырған мүшелерге партиялық билеттерін табыстады. Сонымен бірген, ауданымыздың түрлі салаларында қызмет атқарып келе жатқан бірқатар азаматтарға Түркістан облыстық партия филиалының «Алғыс хаттарын» табыс етті.