ҚАЛАНЫ ДАМЫТУДЫҢ ЖЕТІ БАСЫМДЫҒЫМЕН ТАНЫСТЫРДЫ

Қалалық мәслихат депутататтығына үміткерлер жылдың төрт мезгілінде үнемі жол бойынан табылатын жолшылармен жүзбе жүз кездесті.

Жол дистанциясының мәжіліс залына кездесуге келген поездардың қозғалыс қауіпсіздігін сақтауда орындары бөлек бұл саланың мамандарына партияның сайлауалды бағдарламасы түсіндірілді. Қалалық мәслихат депутататтығына үміткер Ибраким Басықараев жол сапасын жақсартуда партияның мақсаты жол және көлік инфрақұрылым сапасын арттыруда 50 км автомобиль салу, 579 км күрделі және орташа жөндеу, 12 көпірді күрделі жөндеудегі ойымен бөлісті.

Одан бөлек қалалық мәслихат депутатығына үміткерлер Әбдіғабит Әбләзім медициналық қызмет көрсету сапасын арттыруда партияның қол жеткізетін іс шараларындағы шет елдің жетекші клиникаларында жыл сайын кемінде 6 дәрігердің кәсіби біліктілігін арттыру мен тәжірибеден өтуін, жетіспейтін 20 тар шеңберлі мамандарды дайындауда облыс әкімінің грантын бөлудегі ойын жеткізсе, Бауыржан Мастеков қаламыздағы жастар ресурстық орталығының жасап жатқан жұмыстарында жұмыссыздық деңгейін 4%-дан 3,9%-ға төмендету бағытындағы ойын жеткізе білді.

Кездесуде партия бағдарламасын талқылау барысында туындаған сұрақтарға теміржолшылар тарапынан тиянақты жауаптар айтылды.

Дамытудың жеті басымдығын таныстырған үміткерлер үнпарақтарын таратып, теміржолшыларды «Nur Otan»-ға дауыс беруге шақырды.