АҚПАРАТТЫҚ НАСИХАТ ШТАБЫНЫҢ ОТЫРЫСЫ ӨТТІ
2019 жылдың 13 желтоқсан күні «Ақжайық – адалдық алаңы» жобалық кеңсесінде Батыс Қазақстан облысы бойынша Сыбайлас жемқорлыққа қарсы қызмет басшысының бірінші орынбасары Н.И.Саметтің төрағалығымен Департамент жанындағы қоғамда сыбайлас жемқорлыққа қарсы мәдениетті, парасаттылықты қалыптастыруға бағытталған облыстық ақпараттық насихат штабының отырысы өтті.
Штаб құрамына әр саланың зиялы қауым өкілдері, ардагерлер, қоғам қайраткерлері, жастар және т.б. енгізілді.
Шара барысында Штаб мүшелерімен алға қойылған жұмыс жоспарлары талқыланып, облыстық Штаб жетекшісі ретінде «Jas Otan» жастар қанатының Батыс Қазақстан облыстық филиалының төрағасы Нұрғали Қаршығаұлы Жолдасқалиев тағайындалды.