6. АШЫҚ ЖӘНЕ ЕСЕП БЕРЕТІН ЖЕРГІЛІКТІ ОРГАНДАР

Ақтау қаласының табысты дамуының кепілі проблемаларды шешу үшін ортақ мүдделермен біріктірілген азаматтардың белсенділігі болып табылады.

Бізге жергілікті атқарушы органдар мен қала тұрғындарының өзара қарым-қатынасының мүлдем жаңа сипатын қалыптастыру қажет. Ынтымақтастықтың басты қағидаттары ашықтық, есеп берушілік және сыбайлас жемқорлыққа қарсы іс-қимыл болуы тиіс.

Бұл үшін «Nur Otan» партиясы:

➢ 2025 жылға қарай «бір терезе» қағидаты бойынша және электрондық үкімет порталы арқылы 100% мемлекеттік қызмет көрсетуге жәрдемдесуге;

➢ 2025 жылға дейін жаңа шағын аудандарға арналған бір халыққа қызмет көрсету орталығын салу және ашуға;

➢ Қолма-қол ақшасыз есеп айырысу жүйесімен сауда объектілерінің желісін кеңейтуге ықпал ету, 2022 жылға қарай онлайн бақылау-кассалық аппараттарды пайдаланатын кәсіпкерлер саны 100% құрауы тиіс;

➢ Мемлекеттік қызмет көрсету және сапасы бойынша партиялық және қоғамдық мониторингті қамтамасыз етуге;

➢ Төртінші деңгейдегі бюджетті бөлу кезінде жергілікті қоғамдастықты барынша тартуға;

➢ 2022 жылға дейін қалада электрондық билеттеу жүйесін енгізуге;

➢ Сыбайлас жемқорлыққа қарсы дүниетанымды қалыптастыруға, оның ішінде «АдалҰрпақ» мектеп клубтарының жұмысына қатысуға;

➢ Ақылды және қауіпсіз қала құру мақсатында, «112-диспетчерлік қызметі», «Жол қозғалыстарының басқармасы» (МЖӘ), «Е-КСК» жобаларының іске асырылуына;

➢ Пандемия кезінде азаматтарға мемлекеттік қызметтердің кеңеюін және электронды форматта көрсетілуін қамтамасыз етуге;

➢ Халықтың цифрлық сауаттылығын арттыру мақсатында онлайн курстарын ұйымдастыруға;

➢ Мемлекеттік қызметтерді мемлекеттік органдар арқылы қағаз түрінде көрсетілуін жоюға қол жеткізеді.

Қабылданған шаралардың нәтижесінде азаматтардың жергілікті билікке деген сенімі артып, сыбайлас жемқорлық деңгейі төмендейді.