34. "ҚҰРМЕТТІ АЗАМАТТАР"

(10.03.1941 ж.т., Бөкей ордасы ауд., Бөрлі а.) – жергілікті басшы. Еңбек жолын №9 Орда ауылшаруашылық механикаландыру училищесін аяқтағаннан кейін (1959) Құрманғазы атындағы кеңшар жұмысшылар кооперативінде машина жүргізушісі болып бастаған. Еңбектен қол үзбей жүріп, Орал ауылшаруашылық институтын бітірген. Кеңшарда машина ауласының меңгерушісі, кеңшар бастауыш комсомол ұйымының жетекшісі, ауылдық кеңестің төрағасы болған. 1977 ж. партия жұмысына алынып, Орда аупарткомының нұсқаушысы, Т.Масин атындағы кеңшар партия комитетінің хатшысы, 1980-1997 ж. Мұратсай кеңшарының директоры, аудандық ауылшаруашылығы басқармасының бастығы, кеңшардың бас агрономы қызметтерін атқарған.

Е.Зинешевке Бөкей ордасы аудандық мәслихатының 2012 жылғы 12 сәуірдегі №2-14 шешімімен "Құрметті азамат" атағы берілген.