Гитлер көктемі

A.N.A 2013 M01 29
371
0
0
0

Мюзикл - музыкалық-сахналық қойылым. Бұл жанрдың ішінде ән де, диалог та, би де де бір-бірімен қабаттасып, басты рөлді ойнайды. Көпке дейін театр өнерінің жеке-дара жанры ретінде мойындалмаған мюзикл...

Мюзикл - музыкалық-сахналық қойылым. Бұл жанрдың ішінде ән де, диалог та, би де де бір-бірімен қабаттасып, басты рөлді ойнайды. Көпке дейін театр өнерінің жеке-дара жанры ретінде мойындалмаған мюзикл Американың өзінде тек он тоғызыншы ғасырдың 20-30 жылдарында бастауын алып, тамырын жая бастаған. Ән айтып, би билеп көрерменнің көңілін көтеретін бұл қызықты жанр еліміздің театр сахналарын жиырма бірінші ғасырдың бас кезінен бері сығалап келеді. Бүгінде өнерпаз, талантты, жаңашыл жас әртістеріміздің арқасында мюзикл қойылымдары молайып, оны көруге асығатын қауымның да саны арта түсуде.

Жақында менің өзім университетте сондай бір мюзиклді көруге мүмкіндік алдым. "Продюсеры" деп аталатын қойылымды өзіммен қатарлас университет студенттері қойды. Американдық әртіс, сценарист, режиссер Мел Брукстің бұл қойылымының тарихы 1968 жылдан басталған көрінеді. Сюжеттің басты кейіпкерлері жолы болмаған екі продюсер -Макс Бьялосток пен Лео Блум оңай жолмен ақша табу жолында "идеальный план" ойлап табады. Бұл жоспар бойынша олар бұрын-соңды сахна төрінде қойылмаған ең жаман қойылымды тауып, мол пайда кзіне кенелуді көздейді. Жоқ іздеген екі продюсер өлдім-талдым деп жүріп "Гитлер көктемі" деген қойылымды көрермен назарына ұсынуға ой тоқтатады. Бьялосток пен Блум бұл қойылымның тағдырын "әлемдегі ең жаман режиссер" Роже де Бисқа тапсырады. Оның басшылығымен жылдың ең жойқын сәтсіз қойылымы дайындалып, көрермен назарына ұсынылғанда, көк айналып жерге түскендей бәрі керісінше болады. "Ең жаман" қойылым "ең жақсы" қойылымға айналып, жылдың үздік хиты атанады. Арам ойлары іске аспаған екі продюсердің алаяқтық іс-әрекеттері ашылып, түрмеге қамалады. Былай қарағанда өте күлкілі, юморға толы мюзикл. Әртістер де жас. Дегенмен әр қойылымның астарында мораль мәселесі жататыны анық. Бұл тек театр туындыларына ғана айтылатын сөз емес. Менің байқауымша, режиссердің осы мюзикл арқылы айтқысы келгені: оңай жолмен пайда табу басқа түскен проблемадан шығатын дұрыс жол емес. Тек адал еңбекпен, маңдай термен ғана табылған ақшаның иісі "тәтті" болмақ.

Сахна төріне шығып, әр түрлі кейіпкерлердің рөлін сомдаған жас әртістердің дарыны, ән айтып, би билеуі өте керемет. Кәсіби шеберліктері болмаса да, көрерменнің көзайымына айналған талантты жастардың қойылымдағы әр кейіпкердің рөлін жоғары деңгейде ойнап шыққандары көрген көзге айдай анық. Осындай талапты да талантты, сегіз қырлы бір сырлы азаматтарымыз көбейе берсін демекпін.

 

Оцените пост

0