Мәдениет Телеарнасы

Бағдарлама Орхан Памуктың 2006 жылы Нобель сыйлығына ұсынылған «Менің атым Қызыл» туындысы туралы болмақ.

Ақұштап ақын жырларының ең басты екі тірегі бар. Бірі - ақынның туған ел мен жерге деген ыстық махаббаты, екіншісі - қоғамдағы, өмірдегі қайшылықтар мен әділетсіздіктерге, адам қолымен жасалған қиянаттарға қарсы күрескерлігі.

Бекен Жылысбаев - қазақ халық әндерін, орыс классиктері мен шетел композиторларының ән-романстарын шебер орындаушылардың бірі. М. Төлебаевтың «Тос мені, тос», «Кестелі орамал», Абай өлеңіне жазылған «Мен көрдім ұзын қайың құлағанын» романстарын, «Қазақстан оттары» кантатасын, тағы бірқатар әндерді алғаш орындаған.

Фильмдегі басты кейіпкер Воин Рафаэль Кэин – ажалсыз, ол өмір бойы дұшпандарымен күреседі. Оның басты мақсаты - өмірінің астаң-кестеңін шығарғандардан өшін алу.

Жақындарына опасыздық жасау - ол үшін түк емес. Ол үшін тек бір ғана құнды нәрсе бар. Ол сол үшін өмір сүреді, ол - кино түсіру өнері. Фильмге өнер адамының жан толғаныстары мен күйзелістері арқау болған.

Симфониялық күй жанрының негізін салған өнер майталманы Еркеғали Рахмадиев қазақтың ұлттық өнерін бүкіл әлемге таныта білген тұлға. Ол «Қамар сұлу», «Дала таңы», «Алпамыс» және «Дайрабай» мен «Құдаша-думан» сияқты туындыларды сахнаға шығарды. Абайдың өлеңдерінеән-романстар жазған.

Бір-ақ сәтте барынан айырылып, күтпеген сәтсіздікке ұшырап, келеңсіз жайттар мен кедергілерге тап болған отбасы. Шытырма хикаялардың өзегіне айналған «Жәдігерлер дүкені» фильмін «Мәдениет» телеарнасынан сенбі және жексенбі күндері, сағат 14:20-да тамашалаңыздар.

Алыс сапарға аттанғыңыз келсе, теледидар алдына жайғасып отырыңыз. Біз сіздің кез-келген арман-тілегіңізді орындайтын қатігез әрі мейірімді перілер мекендейтін Оз қаласына апарамыз. «Мәдениет» телеарнасында «Оз елінің сиқыршысы» фильмі 12 шілде, сағат 21:40-та.

«Досмұқасан» тобы барда Құрманай Омарованың есімі ешқашан ұмытылмайды. Үні - құлағымызда, жүзі -жүрегімізде қалады. «Мәдениет» телеарнасынан Құрманай Омарова орындаған әндер туралы «Әлі есімде...» хабарын көріңіздер.

Иван Буниннің «Арсеньевтің өмірі» повестер мен әңгімелер жинағы туралы «Мәдениет» телеарнасындағы «Кітапхана» хабарында.