Жайық өзенінде қайықтар соқтығысты: зардап шеккендер бар
Атырау облысындағы Жайық өзенінде серуен қайықтары соқтығысты, деп хабарлайды полиция департаментінің баспасөз қызметі.
Оқиға 3 шілдеде сағат 20:05 шамасында болған.
"Қайықтар Жайық өзенінде адамдарды серуендету қызметін атқарған. Біреуінде 10 адам, екінші қайықта 25 адам болған. Қазіргі таңда Қылмыстық кодекстің 344-бабы 1 бөлігімен "Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу" бойынша сотқа дейінгі тергеу жүріп жатыр", - дейді ведомстводағылар.
Әр түрлі дене жарақатын алған 9 адам ауруханаға жеткізілген.