«Жастар қалауы – сыбайлас жемқорлықсыз мемлекет»
Сыбайлас жемқорлыққа қарсы мүлдем төзбеушілік ахуалын қалыптастыру және бұл індетке қарсы қоғамда белсенділікті арттыру бағытында «Жастар қалауы – сыбайлас жемқорлықсыз мемлекет» тақырыбында семинар өткізілді.
2015 жылғы Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Оңтүстік Қазақстан облысы бойынша департаменті (бұдан әрі - Департамент) және Оңтүстік Қазақстан политехникалық колледжімен бірлесе ұйымдастырылған «Жастар қалауы – сыбайлас жемқорлықсыз мемлекет» атты кең көлемді Патриоттар акциясы өтті.
Аталмыш іс-шараның негізі мақсаты – жасөспірімдер арасында сыбайлас жемқорлықтың алдын алуды насихаттау мен «Жастар қалауы – сыбайлас жемқорлықсыз мемлекет» атты кең көлемді Патриоттар акциясы арқылы ұлттық сана-сезімі қалыптасқан, азаматтық құндылықтарды өзара ұштастыра алатын ұлтжанды, жан – жақты дамыған тұлғаны тәрбиелеу болып табылады.
Іс-шара барысында 1 курс студенттерімен әңгімелесу жүргізіліп, Департаменттің құрылымымен, сыбайлас жемқорлыққа қарсы бағытта, мемлекеттік қызмет өткеру бағытында атқарып жатқан жұмыстарымен сондай-ақ, ҚР 2015-2025 жылдарға арналған сыбайлас жемқорлыққа қарсы стратегиясымен таныстырып, сыбайлас жемқорлыққа қарсы бағытта видеороликтер көрсетілді.
Іс-шара соңында студенттер сыбайлас жемқорлықпен күресу бағытында өз ойларымен бөлісті. Нәтижесінде сыбайлас жемқорлық құқық бұзушылық азаматтардың құқықтық сауаттылығының төмендігінен болатындығын жеткізіп қорытындыланды.