Жақсылық жасаудан жарысайық!

Жақсылық жасау үшін сіз міндетті түрде бай, ақшасы көп адам болуыңыз қажет емес, жай ғана мейірімді жүрек керек. Бастысы, сіздің тілек- ниетіңізде деп ойлаймын. Қазіргі уақытта қамқорлық пен қолдауға мұқтаж болған, көңілдерін шер, қабақтарын мұң басқан, қайырымды адамдардан мейірімділік, алақандарынан жылулық сезімін күтетін жандарды күнделікті өмірде жиі кездестіреміз. Бүгінде сол қамқорлыққа мұқтаж болған жанға, Әл-Фараби атындағы Қазақ Ұлттық университетінің оқытушысы Мәмбетова М.Қ және Күзембекова Ж.Ж.бастаған "Қайырымды жандар " еріктілер тобының мүшелері қолдарынан келген көмекті жасады.