Зара Жардемова, аудандық мәслихат депутаты

"Nur Otan" партиясы Жаңақала аудандық филиалында партия фракциясының екінші отырысы өткізілді. Күн тәртібінде сайлауалды бағдарламаларды жүзеге асыру мақсатында жасалған "Жол картасы" талқыланды. Ең басты мақсат "Халық үніне құлақ асатын мемлекет" қағидасын ұстана отырып, жергілікті атқарушы органдармен бірлесе халықтың аманат, өтініш-тілектерін шама келгенше орындау. Биыл Тәуелсіздігімізге 30 жыл толғалы отыр. Осы жылдарда жеткен жетістіктерімізді қарапайым ауыл тұрғындары күнделікті тұрмыс-тіршілігінде сезіне алатын жағдайға жеткізу халық қалаулыларының басты мақсатына айналуы тиіс деп санаймын. Аудандық маслихат депутаты ретінде өз сайлауалды бағдарламамда айтылған аз қамтылған отбасы, көп балалы аналарға арналған бағдарламалардың орындалуы үшін жұмыстанатын боламын.