Заңсыз бекіре балығын аулауға және сатуға болмайды!

Маңғыстау облысы ІІД Жергілікті полиция қызметі Табиғатты қорғау полиция бөлімшесі қызметкерлері «Бекіре-2016» жедел профилактикалық іс-шарасын жүргізу барысында 15.05.2016 жылы сағат 02:30 шамасында «Форт-Шевченко-Ақтау» тас жолының 60/72 шақырымында Ақтау қаласы тұрғынының басқаруындағы «SААВ» маркалы автокөлігін тоқтатып, тексеру барысында жүк салғышынан 6-дана салмағы 17 кг., «Бекіре» тұқымдас балығы табылып, тәркіленіп алынды. Сонымен қатар 16.05.2016 жылы сағат 02:30 шамасында «Форт-Шевченко-Ақтау» тас жолының 60/72 шақырымында Түпқараған ауданы, Қызыл-өзен ауылы тұрғының басқаруындағы «Лада-Ларгус» маркалы автокөлігін тоқтатып, тексеру барысында жүк салғышынан 10-дана салмағы 20 кг., «Бекіре» тұқымдас балығы табылып тәркіленіп алынды.

Қазіргі уақытта жинақталған жадығат Түпқараған ауданы ІІБ-не тіркеліп, ҚР ҚК-нің 339-бабына сәйкес (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) сотқа дейінгі тергеу амалдары жүргізілуде.