Тілім менің-қазынам қасиетім

Бүгін аудандық орталық кітапхана қызметкерлерімен «Тілім менің-қазынам, қасиетім» тақырыбында кездесу өтті. Кездесуде «Nur Otan» партиясы Индер аудандық филиалы төрағасының бірінші орынбасары Ө.Оразғалиев сөз алып әр ұлттың ең алғашқы қастерлі де қасиетті сипаты – ана тілі. Оны әркім көзінің қарашығындай қорғауы тиіс. Бұл, әсіресе, жастарға қойылатын басты талаптың бірі. Біздің бар болмысымыз бен ұлт текенімізді дәлелдейтін тек ана тіліміз екенін ұмытпауымыз керек. Ел Президенті Қасым-Жомарт Тоқаевтың биылғы Жолдауындағы «Қазақ тілінің мемлекеттік тіл ретіндегі рөлі күшейіп, ұлтаралық қатынас тіліне айналатын кезеңі келеді» деген ұстанымына зор сенім білдіріп, тіл болашағынан мол үміт күтетініміз анық.