Тұңғыш Президент Күніне ардагерлерге сыйлық дайындалды
Ұлы Отан соғысының қатысушылары мен мүгедектерін әлеуметтік қолдау - Астана қаласы әкімдігі жұмысындағы басым бағыттардың бірі. Бүгінгі күні елордада 327 ардагер тіркелген. Тұңғыш Президент Күні қарсаңында оларға арнайы сыйлық дайындалды. Қала әкімдігінің Жұмыспен қамту және әлеуметтік бағдарламалар басқармасынан хабарлағанындай, «Нұрлы Астана» қоғамдық бірлестігімен бірге барлық Ұлы Отан соғысының қатысушылары мен ардагерлеріне азық-түлік тағамдарын алу үшін 10 000 теңге материалдық көмек беріледі. Бұл үшін арнайы «Цеснабанк» АҚ-дан карточка шоты ашылады.