Тәрбие — тал бесіктен
Жасотандықтар және қала жұртшылығы Екібастұз қаласының өмірлік қиын жағдайда қалған балаларды қолдау орталығының тәрбиеленушілерімен онлайн форматта кездесу өткізді. ZOOM-конференциясына қатысушылар отбасы мен мемлекеттің өскелең ұрпақты тәрбиелеудегі рөлі туралы әңгімелесті.
Спикерлер жасөспірімдерге қамқорлық таныту – кез келген мемлекет үшін аса маңызды әрі өзекті мәселе екенін атап өтті. Олардың пікірінше, мемлекеттің өсіп-өркендеуі жолында өскелең ұрпақты тәрбиелеу мәселесін алға қою қажет. Сондай-ақ, мәдени қоғамды қалыптастыру үшін тәрбиеге тал бесіктен көңіл аударған жөн.
- Салауатты, ақылды, мақсатына берік әрі зерделі ұрпақты тәрбиелеу — мемлекеттің және қоғамның жауапкершілігінде, — деді «Jas Otan» жастар қанатының белсендісі Ахмад Каимов. — Дәл осындай жастар еліміздің тірегі бола алады.