Тұрғындар мүмкіндікті мүлт жібермеді
Ағымдағы жылғы 26 ақпанда Мемлекеттік қызмет істері министрлігі Солтүстік Қазақстан облысы бойынша департаментінің басшысы Тайынша ауданындағы «Нұр Отан» партиясының филиалында азаматтарды жеке қабылдады.Мүмкіндікті мүлт жібермеуге тырысқан ауданның мемлекеттік қызметшілері мен тұрғындары мемлекеттік қызметке өту және оны өткеру, «Болашақ» стипендиясын иелену, сонымен қатар «Е-қызмет» жүйесінің жұмысына қатысты мәселелерімен көмекке жүгінді.Департамент басшысы барлығы 5 адамды қабылдап, олардың сұрақтарының әрқайсысына тиісті жауаптары мен түсіндірмелерін берді.Департаменттің «Нұр Отан» ХДП СҚОФ бірлескен жұмысы тұрақты түрде жүргізіледі. Бұл тұрғындардың өзекті мәселелерін жедел шешуге ыңғайлы және олардың мемлекеттік органдарға деген сенімін арттыруға септігін тигізеді.
