Сайлаушылардың сұрақтарына жауап берді
«Nur Otan» партиясынан облыстық мәслихатқа ұсынылған үміткерлер Қалыйма Жантөреева, Баймахан Сүлейменов, Мұрат Садуов, Насиба Атаева, Данияр Юнусалиев, Марина Лимаренко «Кандидатқа сұрақ қой» іс-шарасына қатысып, сайлаушылардың сұрақтарына жауап берді.
Әлеуметтік желілер арқылы өткен шарада партияның сайлауалды бағдарламасын түсіндіріп, үгіт насихат жұмыстарын жүргізді.
«Nur Otan» партиясы аудан тұрғындарының өмір сүру сапасын жан-жақты арттыруды қолдайды. Осы бағытта «Ауыл – ел бесігі» және «Құтты мекен» партиялық жобаларын іске асыру жалғастырылады.
Нәтижесінде 2025 жылы қала тұрғындары таза ауыз суға, сапалы жолдарға, әлеметтік және инженерлік инфрақұрылым нысандарына қол жеткізеді.
Сондай-ақ, денсаулық сақтау, білім беру және әлеуметтік салада сапалы қызметтерге қол жеткізе отырып, қала тұрғындарының өмір сүру жағдайын арттыруға күш салады.