Құрметті yvision платформасының қолданушылары!!!

Қазақ Википедиасының жетістіктері мен жобалары туралы жаңалықтардан құлақдар болып жүріңіздер!

Қазақша Википедианың мақалалар саны 136 мыңға жетіп, Wikipedia-дағы 285 тіл арасында қазақ тілі 32-орынға көтерілді.

2012 жылдың 12-15 шілде аралығында Уашингтон қаласында халықаралық «Уикимания-2012» конференциясы өтті. 80-нен аса елдің делегаттары келген халықаралық конференция жұмысына АҚШ, Ұлыбритания және Канада үкіметтерінің ресми өкілдері және Уашингтонда қызмет ететін дипломатиялық миссиялардың жетекшілері қатысты.
Қазақстан атынан конференцияға «Қазақша Уикипедия» жобасын жүзеге асырушы «WikiBilim» қоғамдық қорының өкілдері барды.
Конференцияның ашылу салтанатында сөз алған Джимми Уейлс Қазақстанды ерекше атап өтіп, қазақ Уикипедиясының қарқынды дамуына назар аударды. Сонымен қатар «WikiBilim» қоғамдық қорының жұмысына жоғары баға беріп, қорда жұмыс істейтін команданы «уики кеңістіктегі супержұлдыздар» деп атады.