Жәнібек спорт клубында аудандық ішкі саясат, аудандық мәдениет, тілдерді дамыту, дене шынықтыру және спорт бөлімдері мен аудандық балалар-жасөспірімдер спорт мектебінің ұйымдастыруымен Халықаралық дәрежедегі спорт шебері, Қазақстан Республикасының еңбек сіңірген жаттықтырушысы Райымбек Меңдіғалиевтің жүлдесіне арналған самбо күресінен 2010-2011 жылы туған және одан кіші жасөспірімдер ұлдар арасындағы аудандық іріктеу турнирі басталды. Жарысқа Ақоба, Жәнібек,Тау ауылдары мен балалар-жасөспірімдер спорт мектебінің тәрбиеленушілері бақтарын сынауда. Ашылу салтанатында сөз алған "AMANAT" партиясы Жәнібек аудандық филиалының атқарушы хатшысы Біржан Қуанәлиев самбо күресіне еңбегі сіңген Райымбек Ромашұлының өмірбаяны мен спортқа қосқан үлесі жайында айтып өтіп, барша қатысушы спортшыларға сәттілік тіледі.