Павлодар облысында «Е-қызмет» ықпалдастырылған ақпараттық жүйесін енгізу тақырыбына талқылау жүргізілді

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Павлодар облысы бойынша департаменті мемлекеттік мекемелердің персоналды басқару қызметінің қызметкерлерімен «Мемлекеттік органдарда «Е-қызмет» ықпалдастырылған ақпараттық жүйесін енгізу» тақырыбына семинар өткізді.

Оқыту барысында «Е-қызмет» ықпалдастырылған ақпараттық жүйесінің  өзекті мәселелері бойынша,  атап айтқанда: персоналды басқаратың ақпараттық жүйесінде жұмыс істеу туралы ақпарат жеткізілді.Кездесуде «Ұлттық ақпараттық технологиялар» АҚ, облыс әкімінің аппаратының өкілдері және Департамент қызметкерлері баяндамаларымен сөз сөйледі.

Сонымен қатар, облыстық сот қызметкерлері сот органдарында ұқсас жүйені енгізу бойынша ағымдағы жұмыстағы тәжирібелерімен бөлісті.Іс-шараға 92 мемлекеттік қызметші, соның ішінде қалалық және аудандық әкімдіктердің өкілдері қатысты.