Қолдан жасалған бұйымдар
Тұзды қамырдан мүсін жасау - ең оңай әрі қызықты процесстердің бірі. Мен бұл ермек жайлы осыдан бір жыл бұрын білген болатынмын. Сонымен, тұзды қамырдан қалайша мүсіндер жасайды екен, қарап көрейік.
Тұзды қамыр жасау үшін қажетті заттар:
- 1 стакан ұн;
- 0,5 стакан экстра(өте ұсақ) тұз;
- 0,5 стакан жылы су.
Мүсіндерді безендіру үшін қажет қосалқы заттар:
- Бояу;
- Қылқалам;
- ПВА желім.
Мүсіндерді жасау процессі:
- Ең алдымен ұн,тұз,суды араласытырып қамыр илейміз.
2. Дайын болған қамырды тоңазытқышқа кем дегенде 1 сағатқа салып қоямыз.
3. Қамырды тоңазытқыштан алып мүсіндер жасай бастаймыз. Мүсіндердің бөлшектерін сумен немесе су араласқан ПВА-мен байланыстырамыз.
4. Дайын болған мүсіндерді пешке 20 минутқа орташа температурада саламыз немесе терезенің алдына қойып, 2 күн кептіреміз. Мен пешке салдым.
5. Пештен мүсіндерді алып, бояй бастаймыз.
6. Дайын болған мүсіндерді бірнеше сағат табиғи жолмен кептіреміз.
