«Nur Otan» партиясының «Кедергісіз келешек» жобасы
Аталған жобаны төрт бағыт бойынша жүзеге асыру жоспарланған: мүгедектерді тұрақты еңбек орнына жұмысқа тұрғызу; мүмкіндігі шектеулі адамдарға кедергісі жоқ жағдай жасау; мүгедектердің құқығын тиімді жүзеге асыратын құқықтық алаң құру.
Осыған орай бүгін «Nur Otan» партиясы Жаңаөзен қалалық филиалы төрағасының орынбасары А.Исаеваның, мүмкіндігі шектеулі жандардың қатысуымен Zoom платформасында онлайн отырысы болып өтті.
Отырыста «Жұмыспен қамту және әлеуметтік бағдарламалар» бөлімінің директорының міндетін атқарушы А.Тұрақова бөлімнің атқарған жұмыстарын айта келе, бүгінгі таңда мүмкіндігі шектеулі жандарға көрсетіліп жатқан әлеуметтік көмектер туралы тоқталып өтті.
Жиынға қатысқан мүмкіндігі шектеулі азаматтар тарапынан жұмыспен қамту бойынша мүгедектердің жұмыспен қамтылуы жөнінде өз ой-пікірлерін айтып, қоғамның толыққанды мүшесі болуда кездесіп жатқан қандай да бір кедергілері туралы сөз қозғалды.