«Nur Otan» партиясында мүмкіндігі шектеулі азаматтардың мәселелері талқыланды

Отырыстың күн тәртібінде «Nur Otan» партиясының сайлауалды бағдарламасының облыстық Жол картасының 84-тармағын орындау жөніндегі есеп "Шығыс Қазақстан облысы бойынша:" ерекше қажеттіліктері бар адамдар үшін кедергісіз қолжетімділік жасау мақсатында Әлеуметтік және көлік инфрақұрылымын толық бейімдеу.(пандустармен, бейімделген лифтілермен, дәретханалармен, зағип жандарға арналған бағыттаушы белгілермен қамтамасыз етуді қоса алғанда) мәселелері талқыланды.

2021 жылғы 25 мамырдағы жағдай бойынша облыстың қалалары мен аудандарындағы жұмыспен қамту органдарына мүмкіндігі шектеулі 528 адам жүгінген. Ол азаматтар нәтижелі жұмыспен қамту және жаппай кәсіпкерлікті дамыту бағдарламасына қатысушылар құрамына енгізілді.

Мамыр айындағы мәлімет бойынша облыс көлемінде барлығы 326 адамға бизнес-жобасын іске асыруға 188 млн.теңге сомасына мемлекеттік гранттар берілді, оның ішінде мүмкіндігі шектеулі 13 азаматқа – 7,0 млн. теңгеге көлеміндегі грант табысталды,- деді ШҚО жұмыспен қамтуды үйлестіру және әлеуметтік бағдарламалар басқармасының басшысы Жасұлан Бірлікұлы.

Жиын барысында «Ардагерлерді ардақтайық» партиялық жобасы аясында облыстың қалалары мен аудандарында белсенді ұзақ өмір сүру орталықтарының санын арттыру жайыда сөз болды.