«Nur Otan»партиясы сайлауалды бағдарламасын жүзеге асырудың егжей-тегжейімен азаматтарды таныстыруда

«Nur Otan» партиясы 2025 жылға дейінгі өзінің 216 сайлауалды бағдарламасын жүзеге асырудың егжей-тегжейімен азаматтарды таныстыруды жалғастыруда. Сонымен, еліміздің батыс өңірлерінде жыл сайын қандай істер атқарылады және олардың нақты көрсеткіштері қандай?

⠀

Елбасы, партия Лидері Нұрсұлтан Назарбаевтың тапсырмасына сәйкес әрбір өңірде, қала мен ауданда жүйелі бақылауды қамтамасыз ету үшін мақсатты индикаторлар мен мерзімдерді, сондай-ақ оған жауапты орындаушыларды белгілей отырып, сайлауалды міндеттемелерді іске асыру бойынша Жол карталары бекітілді.

⠀

Батыс Қазақстан облысында алдағы 5 жылда 1498 көрсеткіш пен 3541 іс-шараны орындау көзделген. 2021 жылы «Nur Otan» партиясының сайлауалды бағдарламасы 20,2%-ға, 2022 жылы – 39,6%-ға, 2023 жылы – 59,9%-ға, 2024 жылы – 78,7%-ға және 2025 жылы 100%-ға орындалады.

⠀

Биылдың өзінде 7,5 мың пәтердің 1,9 мыңы, 23 мектептің 4-еуі, 15 спорт нысанының 9-ы, 2 мәдениет нысаны, 5 медициналық нысанның 1-еуі салынады. 5 жыл ішінде 65 мың жұмыс орны ашылып, 10 жаңа туристік нысан салынады.

⠀

Атырау облысында 725 көрсеткіш пен 1013 іс-шараны орындау жоспарланған. 2021 жылы өңірдегі сайлауалды бағдарлама 19,3%-ға, 2022 жылы – 38,7%-ға, 2023 жылы-59%-ға, 2024 жылы – 79,4%-ға және 2025 жылы толығымен іске асырылады.

⠀

Жыл соңына дейін 289 км автожолдың 32 шағырымы, 153 км сумен жабдықтау желілерінің 121 шақырымы салынып, жөнделеді. 103 мың жұмыс орнын құру, 11 мектеп, 56 балабақша, 10 медициналық нысан, барлық 7 аудан орталығында ТҚҚ сұрыптау кешендерінің құрылысы және т. б. жоспарланған.

⠀

Маңғыстау облысында бекітілген Жол картасы аясында 2645 көрсеткіш пен 2328 іс-шараны орындау көзделіп отыр. 2021 жылы партия бағдарламасы 19,9%-ға, 2022 жылы – 40,1%-ға, 2023 жылы – 60,6%-ға, 2024 жылы – 80,1%-ға және 2025 жылы 100%-ға іске асырылатды.

⠀

5 жыл ішінде облыста құрылысы жоспарланған 30 мектептің 6-ауы осы жылы салынады. Сол сияқты 89 балабақшаның 10-ы, 14 спорт нысанының 3-еуі бой көтереді. 1534 нысанның 305-і ерекше қажеттіліктері бар адамдар үшін бейімделетін болады. 70 мыңнан астам жұмыс орнын құру жоспарлануда.