Nur Otan-ның өңірлік конференциялары қашан өтетіні белгілі болды.

Оның барысында барлық деңгейдегі мәслихаттарға партиялық тізімдер және әр өңірден партиялық тізімге кандидаттар анықталатын болады.

Сонымен, конференция 10 қарашада – Шымкент қаласында, 11 қарашада – Алматы қаласында, 12 қарашада – Нұр-сұлтан қаласында өтеді. Алматы, Қарағанды және Қызылорда облыстарында – 16 қарашада, ал Ақмола, Шығыс Қазақстан, Жамбыл, Батыс Қазақстан, Түркістан, Атырау, Қостанай, Маңғыстау, Павлодар және Солтүстік Қазақстан облыстарында – 17 қарашада өтпек.

Пандемия жағдайына байланысты партиялық конференциялар барлық санитарлық-эпидемиологиялық талаптарды сақтай отырып ұйымдастырылады. Бұл ретте партияның ресми аккаунттарында барлық өңірлік конференциялардың онлайн-көрсетілімі қамтамасыз етіледі.