«Nur Otan» мәдени және рухани құндылықтарды сақтау мен көбейтуді жақтайды

«Nur Otan» партиясынан облыстық мәслихатқа ұсынылған кандидаттар Қалыйма Жантөреева, Баймахан Сүлейменов, Марина Лиморенко, Жанат Тоғайбекова, Насиба Атаева, Мұрат Садуов, Данияр Юнусалиев Кентау қаласының тұрғындарымен кездесті.

ZOOM платформасы арқылы онлайн өткен кездесуде көпшілікті сайлауға белсенділікпен қатысуға шақырып, сайлауалды бағдарламаны түсіндірді.

«Nur Otan» партиясының сайлауалды бағдарламасындағы қаланы дамытудың 7 басым бағыттарының негізі етіп айқындалған. Оның басты мақсаты – халықтың өмір сүру сапасы мен әл-ауқатын үнемі жақсарту үшін жағдай жасау.

Халықтың өмір сүру деңгейін арттыру мақсатында өңдеу кәсіпорындарын дамыта отырып, Кентау қаласының артықшылықтары мен әлеуетін пайдаланылатын болады.

2025 жылға Кентау қаласының өңдеу өнеркәсібінің өсімін 5,5%-ға арттырылады. Мемлекеттік бағдарламалар мен жеке инвесторлар есебінен өңдеу, ауылшаруашылық, шағын және орта бизнес салаларында барлығы 3,6 млрд. теңгені құрайтын 4 жобаны жүзеге асыру жоспарын қолға алады.

«Nur Otan» партиясы біздің қоғамымыздың бірегейлігін айқындайтын мәдени және рухани құндылықтарды сақтау мен көбейтуді жақтайды.

Сондай-ақ, сайлаушылар тарапынан қойылған сұрақтарға жауап берді.