Назарбаев үштілділік туралы
Ол бұл мәселені «Нұр Отан» ХДП XVIII съезінде көтерді.
- Білім берудегі өзгерістер де логикалық нәтижелерге жету керек. Заманауи шындық балаларымыздың жаңа дағдылары мен құзыреттіліктерін дамытуды талап етеді. Мен үш тілде еркін сөйлеу халық арасында қалыпты жағдайға айналуы керек деп айттым. Біздің балаларымыз планетаның балалары. Олар бүкіл әлемде, ең жақсы университеттерде оқып жатыр, олар біз бармаған жерлерге баруда. Сондықтан олар қазақ және орыс тілдерімен қатар ағылшын тілін еркін меңгеруі тиіс. Бұл маңызды. Бірақ, нәтижеге бірден қол жеткіземіз деп, асығыстықпен үстіртін жасауға болмайды, - деді Назарбаев.
Ол мамандарды тиісті оқыту қажеттілігін атап өтті.
Физика, математика және химияны оқытатын мұғалімдерге ағылшын тілін меңгеріп, ол тілде сабақ беру үшін қанша уақыт керек? Біздің министрлік ертеңгі күннен бастап, жаппай сабақтарды ағылшын тілінде беруді тапсырма етіп қойды. Олар үш айға ағылшын тілінде математиканы оқытуға шақырылады. Үш айда математиканы ағылшын тілінде кім береді? Және бұған көп ақша жұмсалады. Мүмкін, мұғалімдерді шетелден шақыруға және оқытуды бастауға болар еді. Сондықтан бұл мәселе қалады. Және Білім және ғылым министрлігі дұрыс бағытта, жоғары оқу орындарына қатысты ол дұрыс саясатты жүргізуде, бірақ бәрі ақылға қонымды болуы тиіс және халыққа түсіндірілуге тиіс, - деп атап көрсетті Елбасы.
Елбасы үштілікпен қатар, мемлекеттік тіл – қазақ тілінің дамуына да баса назар аударады. Қазақстанда тұратын барлық этникалық топтардың тілдерін сақтай отырып, қазақ тілді дамытудың маңызды факторы ретінде мемлекеттік тілді толыққанды жұмыс істеуін қамтамасыз ететін үйлесімді тіл саясаты, Қазақстан Республикасында тілдерді дамыту және жұмыс істеудің 2011-2019 жылдарға арналған мемлекеттік бағдарламасы қабылданып, жүйелі түрде жүзеге асырылып келеді.
Бағдарламаның басты мақсаттары: Мемлекеттік тілді оқыту әдістемесін жетілдіру және стандарттау; мемлекеттік тілді оқыту инфрақұрылымын дамыту; мемлекеттік тілді үйрену үрдісін ынталандыру; мемлекеттік тілді қолдану беделін арттыру; қазақ тілінің лексикалық қорын жетілдіру және жүйелеу; қазақ тілінің алфавитін латын жазуына аудару, оны қоғамдық қатынастардың барлық салаларында қолдану, тіл мәдениетін жетілдіру бойынша кешенді жұмыстарды жүргізу; коммуникативтік тілдік кеңістікте орыс тілінің қызметі; Қазақстандағы лингвистикалық әртүрлілікті сақтау; ағылшын және басқа шет тілдерін үйрену, үш тілде оқыту моделін жасау.