«Нұрлы Жер» бағдарламасы

Бүгін «Nur Otan» партиясы Абай аудандық филиалының ұйытқы болуымен Саяси Кеңес мүшелері ZOOM платформасы арқылы дөңгелек үстел өткізді.

Кездесуде «Нұрлы Жер» бағдарламасы төңірегінде Абай ауданы әкімі аппаратының инфроқұрылым және көріктендіру бөлімінің басшысы Г.Е.Алтаева ағымдағы жылдың 11 айында Абай ауданы бойынша атқарылған жұмыстарына тоқталып өтті.

Айта кетейік, «Нұрлы жер» бағдарламасының негізгі мақсаты – халық үшін тұрғын үйдің қолжетiмдiлiгiн арттыру. Жоба аясында бүгінде аудан бойынша 453 көпқабатты тұрғын үйлердің 44 үйі жөндеуден өткен, 2020 жылы жоспарланған 19 үйдің 12 үйінде құрылыс жұмыстары жүруде, 383 үйді жағдайына байланысты жөндеу жұмыстарын жүргізуге тұрғындармен түсіндіру жұмыстары жүргізіліп, оның ішіндегі 55 үйге 2021 жылға ұсыныс берілді.