Мобильді топтың кезекті кездесуі
2017 жылдың 23 мамырда Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментімен құрылған «Парасыз болашаққа. Бірге!» мобильдік тобының мүшелерімен Тасқала ауданына көшпелі кездесу өткізілді.
Аудандық әкімдікте Департамент басшысының орынбасары, Әдеп жөніндегі кеңес хатшылығының меңгерушісі А.Жұбаныштың төрағалығымен және аудан активінің қатысуымен семинар-кеңес өткізілді.
А. Жұбаныш өз сөзінде қазіргі таңда барлық мемлекеттік органдардың, соның ішінде мемлекеттік қызмет істері және сыбайлас жемқорлыққа қарсы іс-қимыл органдарының қызметінің негізгі күші сыбайлас жемқорлық қылмыстарының салдарымен күрестен гөрі, оның алғышарттарын және оған себеп болатын жағдайларды жоюға бағытталғандығын атап өтті.