"Мен халықпен біргемін"

Кеше "Бетпе-бет" тікелей эфиріне облыстық мәслихат депутаттығына кандидат Алихан Декартұлы шығып, желіде онлайн диалог құрды. Желі қолданушылары кандидатқа сұрақ қойып, өздерінің ұсыныстарын тастады. Сұрақ қоюшының "Депутат болудағы мақсатыңыз қандай?" деген сауалына Декартұлы: "Ауылдағы басты проблемаларды бағдарламама енгізіп, трибуналарда айтып, шешімі табылғанша күн тәртібінен түсірмеуді мақсат етемін" деп жауап қатты. Ел үшін еселі еңбек еткісі келетін үміткеріміз "Сіздердің сенімдеріңізді ақтауым үшін "Nur Otan" партиясына дауыс беріңіз. Сонда ғана біздің сөзіміз билікке жетеді" деп, онлайн кездесуді аяқтап, сәттілік тілеген жандарға ризашылығын жеткізді.