«Мемлекеттік қызметтің жаңа моделі»

Қазақстан Республикасының Мемлекеттік қызмет істері министрлігінің Алматы қаласы бойынша департаментіөзгерістер енгізілген кейбір заң актілері (конкурстық рәсімдерге қатысты) және Қазақстан Республикасы Президентінің 2016 жылғы 29 желтоқсандағы № 152 Жарлығымен  бекітілген мемлекеттік қызметшілердің лауазымдық жалақыларын белгілеуге құқық беретін жұмыс өтілін есептеу қағидаларын, сонымен қатар, Қазақстан Республикасының «Ақпаратқа қол жеткізу туралы» Заңын түсіндіру туралы семинар-кеңес өткізді.

Семинар-кеңеске  Алматы қаласының жергілікті атқарушы органдардың персоналды басқару қызметінің (кадрлық қызмет) өкілдері қатысты.

Семинар-кеңесті Қазақстан Республикасының Мемлекеттік қызмет істері министрлігінің Алматы қаласы бойынша департаменті басшысының орынбасары – Данияров Генадий Гожахметович өткізді.

Департаменттің мемлекеттік қызмет басқармасы басшысының м.а. – Досымбек Марат Бахытұлы, департаменттің мемлекеттік қызмет басқармасының бас мамандары -  Байдаулетов Марат Алдиярұлы және Күлбаева Жанар Арынқызысөз сөйледі.