Мемлекеттік қызметке кіруге үміткерлердің назарына!!!
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Төрағасының 2017 жылғы 21 ақпанындағы №40 бұйрығымен «Б» корпусының мемлекеттік әкiмшiлiк лауазымына орналасуға арналған конкурсты өткiзудің жаңа Қағидалары бекітілді.Сонымен қатар, мемлекеттік әкімшілік қызметшілерді, мемлекеттік әкімшілік лауазымдарға орналасуға үміткерлерді тестiлеу бағдарламаларына өзгерістер енгізілді. Атап айтқанда, барлық тестілеу бағдарламаларына Қазақстан Республикасы Президентінің 2015 жылғы 29 желтоқсандағы № 153 Жарлығымен бекітілген Қазақстан Республикасы мемлекеттік қызметшілерінің әдеп кодексін (Мемлекеттік қызметшілердің қызметтік әдеп қағидаларын) білуге арналған тестілеу қосылды.Қағидалардың электронды нұсқасын ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің ресми сайтында kyzmet.gov.kz немесе zan.gov.kz сайтында қарауға болады.Тестілеуге тіркелу e-gov электронды үкімет веб-порталы арқылы немесе «азаматтарға арналған үкімет» Мемлекеттік корпорациясына жүгіну арқылы жүзеге асырылады (жеке басын куәландыратын құжат табысталады).
Қазақстан Республикасы Мемлекеттік қызмет істер және сыбайлас жемқорлыққа қарсы іс-қимыл агенттігінің Батыс Қазақстан облысы бойынша Департаменті