Мемлекеттік сатып алу саласында заң бұзушылықтар анықталды
Шығыс Қазақстан облысы Бородулиха ауданының прокуратурасы мемлекеттік сатып алумен байланысты азаматтық істер бойынша сот актілерінің талдауын жүргізіп, мынадай заң бұзушылықтарды анықтады.
Атап айтқанда, талдау нәтижелері бойынша 2013-2014 жылдар ішінде Бородулиха аудандық сәулет, құрылыс, қала құрылысы бөлімінің басшысы И.Лаукарт ҚР «Мемлекеттік сатып алу туралы» Заңымен қарастырылған талаптарды сақтамай, жеткізушілерді жосықсыз мемлекеттік сатып алушылар ретінде тану туралы талап-арыздардың мерзімдерін бұзып бергені анықталды.