Мамандық әліппесі
2017 жылдың 24 ақпанында кітапхананың ғылыми-көпшілік әдебиеті бөлімінде кездесу циклі аясында «Мамандық әліппесі» деген тақырыппен іс-шара өтті.
Кездесуге №11 мектептің 11 сынып оқушылары шақырылса, қонақ ретінде ҚР ІІМ Ш.Қабылбаев атындағы Қостанай академиясының оқытушысы, әлеуметтік-гуманитарлық тәртіп кафедрасының профессоры — Видершпан Александр Валерьянович, сондай-ақ академияның 2 курс студенттері атсалысты.
Әңгіме барысында балалар полицей мамандығы туралы көптеген қызықты мәлімет алып қана қоймай, Академияда оқу мен қабылдау ережелері жайлы да білді.
Мұндай шаралардың мақсаты — түрлі маман өкілдерімен балаларды кездестіру және жұмыстың қыр-сыры ерекшеліктерін білуге мүмкіндік беріп, болашақ мамандығын анықтауға ықпал ету.