Магистратураға грант алуға үміткерлер Қоғам бақылауында
10 тамызда Батыс Қазақстан облысында магистратураға емтихандардың бірінші күні басталды. Болашақ магистранттар міндетті түрде ҰБТ форматында төрт пән бойынша кешенді тестілеуден өтеді. Тестілеу 10-14 тамыз аралығында М. Өтемісов атындағы Батыс Қазақстан мемлекеттік университетінің алаңдарында өткізіледі. ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) бастамасы бойынша ҚР Білім министрлігі тесттерді өткізудің объективтілігін, ашықтығын және адалдығын қамтамасыз ету мақсатында бақылаушылар ретінде облыстың сыбайлас жемқорлыққа қарсы қызметінің өкілдері, "Ақжайық-адалдық алаңы" жобалық кеңсесінің және арнайы мониторинг тобының мүшелері тартылды. Тестілеудің бірінші күні 66 адам қатысты. Бақылаушылардың арнайы топтары 25 мобильді құрылғы мен шпаргалкаларды алып өту фактілерінің жолын кесті. Тест барысында телефонды алып шығу және пайдалану жағдайы анықталды. Осы дерек бойынша тиісті акт жасалды, ал тәртіп бұзушы нәтижелердің күшін жою арқылы жойылды.