«Кедергісіз келешек» партиялық жобасы және «Жол картасы» бағдарламасын іске асыру аясында мониторинг

«Кедергісіз келешек» партиялық жобасы және «Жол картасы» бағдарламасын іске асыру аясында, Жетісу ауданы «Nur Otan» партиясы филиалының партиялық комиссия мүшелері,мүмкіндігі шектеулі жандар үшін қолжетімділікпен қамтамасыз етілген әлеуметтік ұйымдарға (Мамандандырылған халыққа қызмет көрсету орталығы (ЦОН), «Құлагер» алғашқы медициналық-санитарлық көмек көрсету орталығы және Алматы Автомеханика колледжі) мониторинг жүргізді. Мониторинг тобы аталған ұйым орындарында пандустардың болуын және олардың стандартқа сай болуын,сондай-ақ қоңырау батырмаларының іске жарамдылықтарын тексерді.Тексеру барысында тактильді жолдар бойынша түсіндірме жұмыстары жүргізіліп, барлық ескертулер бойынша ұсыныстар жасалды.