Кандидат Керімшеев Нұрмахан Серікұлы - тұрғындармен онлайн форматта насихаттық кездесу өткізді

Бүгін Арыс қалалық мәслихат депутаттығына кандидат Керімшеев Нұрмахан Серікұлы - тұрғындармен онлайн форматта насихаттық кездесу өткізді.

Кездесу барысында партияның Арыс қаласы бойынша сайлауалды бағдарламасын жеткізді.

ДАМУДЫҢ ЖЕТІ БАСЫМДЫҚТАРЫ

1. Экономикалық тұрақты қала;

2. Ыңғайлы қала;

3. Әлеуметтік қызметке бағдарланған қала;

4. Жастарға арналған қала;

5. Тарих пен мәдениетті дамыту;

6. Ашық және есеп беретін жергілікті органдар;

7. Қауіпсіз қала.

Тұрғындарды мазалайтын дәл осы мәселелер, «Nur Otan» партиясының сайлауалды бағдарламасындағы қаланы дамытудың 7 басым бағыттарының негізі етіп айқындалған.

Оның басты мақсаты – халықтың өмір сүру сапасы мен әл-ауқатын үнемі жақсарту үшін жағдай жасау.

Қаланың табысты дамуының кепілі – ортақ мүдделерімен біріккен азаматтардың белсенділігі болып табылады.

Бізге мемлекеттік органдар мен қала тұрғындарының өзара қарым-қатынасының мүлдем жаңа сипатын қалыптастыру қажет. Ынтымақтастықтың басты қағидаттары ашықтық, есеп берушілік және жемқорлыққа қарсы іс-қимыл болуы тиіс.

Бұл үшін «Nur Otan» партиясы:

● электрондық форматта көрсетілетін мемлекеттік қызметтерді 100%-ға жеткізуге;

● қаланың барлық сауда объектілерінің қолма-қол ақшасыз есеп айырысуға көшуіне;

● Қоғамдық кеңесте аймақ дамуының өзекті мәселелерін қарауға;

● төртінші деңгейлі бюджетті бөлу кезінде жергілікті қоғамдастықтың барынша назарын аударуға;

● ауыл тұрғындары арасында сыбайлас жемқорлықтың алдын алу және ескерту бойынша іс-шараларды өткізуде үкіметтік емес ұйымдардың әлеуетін іске қосуға ықпал етеді.

Нәтижесінде 2025 жылға қарай аудан тұрғындарына «Бір терезе» негізінде көрсетілетін қызметтердің үлесі 100%-ға ұлғайып, электрондық форматта көрсетілетін мемлекеттік қызметтер 100% автоматтандырылады - дей келе, басымдықтарға жекелей тоқталып, тарқатып айтты.