Көптен күткен сайлау да өз мәресіне жетіп, аудан тұрғындары өз таңдауларын жасады.

Ел бойынша жүргізілген сауалнама қорытындысы бойынша "Nur Otan" партиясына сайлаушылардың – 71, 97 проценті дауыс берген. Партияның жеңісі — елдің жеңісі.Бүгін аудандық Саяси кеңес мүшелері сайлаудың нәтижелері бойынша тұрғындармен карантин режимін сақтап кездесу өткізді.«Nur Otan» партиясы аудандық филиалы төрағасының бірінші орынбасары Ә.Бердімұрат партияға сеніп, қолдау білдірген барша азаматтарға алғысын жеткізді.«Партиямыздың Сайлауалды бағдарламасы жұртшылықтың көңілінен шыққандығын сайлау нәтижесінен байқап отырмыз. Жеңіске жету үшін аянбай еңбек еттік. Бүгін, міне, жемісін көріп отырмыз. Енді партиямыз өз жұмысына білек сыбана кіріседі. Сайлауалды бағдарламасында көрсетілгендей ауқымды жұмыстар атқарылатын болады», — деді Ә.Бердімұрат.