Күнделігімнің бір парасы

Сүйінші хабарға асыққан, іштей ұмтылған күн болды. 19 тамыздағы біздің спортшылардың жеңіске ұмтылысы, намыс-жігері осы күні, менің көңілімді көкке көтерді.

Бокстан бастадым.

БОКС: Иван Дычко және Дариға Шәкімова жартылай финалда ұтылып, қола медальды қанағат тұттық. Бірақ, бұдан биіктеу, жоғарылау сатыны күткеніміз рас еді.

ТАЕКВОНДО: Жансель Денис 1/8 жартылай финалында ұтылып, жарыстан шығып кеткені, расында, қынжылтты.

ЖЕҢІЛ АТЛЕТИКА: 20 шақырым жаяу жүруде  Диана Айдосова 74 қатысушылар арасында 62 орынға ие болды, ал Полина Репин ережелерін бұзғаны үшін жарыстан шығып кетті. ((

ЕРКІН КҮРЕС: Ғалымжан Өсербаев қола медаль үшін күресте жеңіліп қалды, ал Нұрислам Санаев соңғы матчта ұтылып қалды.

КӨРКЕМ ГИМНАСТИКА: Сабина Аширбаева жеке жарыста финалға өте алмады.

ЕСКЕКПЕН ЖҮЗУ: 200 м қашықтықта ескекпен жалғыз жүзу бойынша Алекс Дергунов жартылай финалға шыға алмады. 500 м қашықтықта 4 адамдық ескекпен жүзуде   Ирина Подойникова,  Зоя Ананченко, Инна Климова және Наталья Сергеева жұбаныш финалына өтті. Александр Емельянов, Андрей Ергучев, Сергей Токарницкий және Илья Голендов 1000 м қашықтықта жұбаныш финалына өтті.