«Иман – жанның тазалығы» атты Мәуліт мерекесіне арналған рухани-танымдық кеш
30-қаңтар күні «Жас Отан» ЖҚ «Мейірімді жүрекпен!» қайырымдылық акциясы аясында «Жас отан» Жастар қанатының Қаратөбе аудандық филиалы мен «Мұхит жастары» ЖҚБ-нің ұйымдастыруымен аудандық мәдени-демалыс орталығында «Иман-жанның тазалығы» атты рухани-танымдық кеш өткізілді.
Аталмыш шарада аудан жастары мен мектеп оқушылары өмірдегі жайттарды көрініспен келтіре отырып, әсем әндерімен халыққа жеткізе білді. Кеш барысында Қаратөбе аудандық мұсылмандар мешітінің бас имамы Бекказиев Әділжан сөз сөйлеп ұйымдастырушыларға алғысын білдірді.
Рухани-танымдық кеште көрермендерге тегін кітаптар таратылып, шарадан түскен қаражат толығымен мешітке аударылды.
